About Us

Un tiki di e historia di A.V. Olympic

 

Dia ku “OLYMPIC” a ser funda no ta tin atletismo organisá na Kòrsou mas. esei tabata den aña nan 1964 pa 1966 nan ei. (No ta ego, ta asina) Ami Anthony a ser invitá pa algun hóben ku ta Def Elvio Merencia, I Sr Stanley Lichtenberg ku tabata invitá mi pa bin train den stadion di Rif, pasombra ei nan tabata tin un persona Def Boy Bloem ku tabata train algun mucha korementu den stadion di Rif.
No tabata tin nada di material, no ta tin start blòk, no ta tin matras pa hoogspringen, no ta tin nada, solamente algun sper di palu–algun disko tur frus, i algun kogel tambe tur frus.
Ma kuminsá na bai stadion di rif djaluna–djarason– i djabièrnè i a kuminsá train huntu ku nan,. Wendell tambe tabata bin stadion pa train bulamentu leu i 400m. Ami tabata hasi tur kos un tiki , kore , bula i kogel i sper, pero sin niun hende pa train mi, mi tabata kumpra buki na Boekhandel Salas.

Asiento (Shell) ku tabata hulandesnan a disidí na organisá un kompetensia di atletismo den forma di tienkamp, pero ku premio pa kada number individual. Despues di e kompetensia aki mi a bin na e idea pa lanta un team ma pidi wendell pa yudami, pero despues a resultá ku tabata ami so tabata kana buska hóbennan, puntra nan si nan ke bin hasi atletismo, mi ta tin ku súplikanan kiko tabata atletismo i asina Olympic a kuminsá na nanse despues ku nos ta tin vários miembro i nos tabata tuma parti na kompetensianan ku Asiento so tabata organisá, pasombra no ta tin CAB, ni NAAU aktivo. Despues di algun tempu ku Olympic tabata tin su promé direktiva a traha riba Statüt, algun persona a bin huntu i papia ku nos i asina nan a bin relativá CAB, riba mi rekomendashon, ami no a drenta den direktiva pero mi a bai den Komishon tékniko. Nos Statüt nan a bin kla i nos a tuma e fecha ku e Statüt nan a bin kla pa e fecha di lantamentu di Olympic, pero en realidat el a ser lanta dos aña promé.

Naturalmente Olympic tin su team di intrenadornan ku fielmente tei tur ora pa yuda e muchanan progresa. Nos ta papia aki di nada mas di Sr. Navarro, Sr. Elizabeth, Sr. A. Louisa, Sr. Regales i Sra. Girigoria. Pa ilustra e dedikashon di e tim aki nos ke presenta nan kredensialnan na boso.

Kredensialnan Sr. Navarro

Ma drenta “Olympic” na aña 1980 despues di a lesa un anunsio den korant pa bin entrená atletiek na Rif den e klup, ma bai na mundu nobo (awor N.A.O.C.) i einan ma haña Sr Anthony Minguel i Sr Tompson Arrindell, tambe tabata tei Alvin Reiter, Otmar Wyat i Wigna Girigoria, nos a kuminsá train na rif huntu ku Excelsior i tabata tempunan dushi den stadion di Rif kaminda e kompetensha nan tabata tuma lugá.
Na aña 1985 nos a muda bai stadion di Suffisant kaminda nos a keda te ku aña 1997 ora e pista nobo a wòrdu traha pa weganan di reino.
Den stadion di Suffisant na aña 1989 ma wòrdu nombra ofisialmente bonds coach kual puesto nunka mas mi no a haña destitushon for di dje’le pero N.A.A.U ku a bini despues a nombra otro hende sin ni a bahami. Olympic a krese durante añanan i nos tabata tin hopi bon atleta ku tabata duna tremendo bataya i tur ekipo kier a kore kontra di nos, den estafèt rònt di waaigat nos a gana vários bes i establesé un rekòrt ku ainda ta riba nos nòmber, persona nan ku a pasa den Olympic ta entre otro Wendell Prince, Rutshel Martina, Aubrey Linzey, Nadeska Sprockel, Geronimo Goeleoe, Nathaniel Esprit i hopi mas.

Aki bou nan ta sigui un par di mi logronan den atletiek.
Trabou boluntario:

Trainer Atletiek Vereniging “Olympic”te ku awor.
2do Sekretario AV “Olympic” te ku awor.

Edukashon deportivo:

Entrenadó nivel 1 di I.A.A.F. (Willemstad, Kòrsou)
Entrenadó nivel 2 di I.A.A.F. (Rio Piedras Puerto Rico)
Sertifikado High performance athlete’s (San Antonio Texas)
Sertifikado High performance athlete’s (Rio de Janeiro Brazil)
Sertifikado Hurado di Atletismo (Willemstad, Kòrsou)
Sertifikado Sportleider rekreativo (Bressna, Willemstad Kòrsou)
Sertifikado Sikologia deportivo (N.A.O.C. Willemstad, Kòrsou)
Sertifikado Maneho deportivo (N.A.O.C. Willemstad, Kòrsou)

Eksperensha atlétiko:

Koredor 100, 200, 400 i 4x 100m
Kampion di Kòrsou riba 200 i 400m
Kampion di Antia riba 200 i 400m
Kampion di Reino riba 200, 400 i 4x100m

Eksperensha komo Coach:
Ex-Presidente Asosashon di Coachnan

Kordinadó selekshon weganan di Reino 1997, 1999.
Coach selekshon Age Group Aruba.
Coach Selekshon Carifta Games.
Coach Selekshon C.A.C. Barbados.
Coach selekshon juegos C.A.C. Maracaibo Venezuela.(94)
Coach selekshon juegos C.A.C. Ponce Puerto Rico.(98)
Coach Selekshon Pan Amerikano Winniepeg Canada.
Coach selekshon Kampionato Mundial Gresia Athenas.(97)
Coach selekshon Kampionato Mundial Sevilla Spaña (99)

 

Kredensialnan Sr. Louisa:

 

Atlio Louisa, nase na korsou 29 april 1964,  bini di un famia di 4 ruman i ami esun ku a dedika mas tempu na diferente ramo di deporte manera futbol,power i weightlifting,tenis, softbol i atletismo. Den e ramo di hisa peso mi tabata kampion di korsou i antias pa dos pa kuarter aña. Mi a partisipa na un kompetensia na Sto Domingo kaminda mi a gana medalia di plata. Atletismo ta esun ku mas logronan i te ahinda dunado mi aporte boluntario.

Den añanan setenta piku mi a partisipa na diferente kompetensia di skol i vijfkamp i semper ami i mi amigo Otmar Waytt tabata sali victorioso den kompetensia nan.

Na numeroso okashon nos a wordu aserka pa afilia  na un ekipo di atletismo, pero nos tabata hanja nos mes hopi hoben, dor ku hopi di e ekipo tabata konsisti di atletanan ya grandi kab.

Durante di un kompetensia di vijfkamp tene na e huishoudschool den suffisant ami i mi amigu a bolbe sobresali i mesora a wordu aserka pa Sr Wendell Prince pa nos bin try out den su team “ Exselsior “ ku tabata konsisti di muchanan relativamente di bario di Brievengat. Nos a kuminsa e siguiente siman mes, den team tabata tin un mucha muhe ku tabata kore tur tur hende den team, pero nos dos a bin para su kareda i kibra su invikto.

Den mi periodo di teener mi a gana basta kareda aki na korsou, mi a kuminsa ku 100m, 200m i despues 400m lokual mi tabatatin mas exito pues mas viktoria. Ultimo mi tabata partisipa mas na tienkamp nan i despues mi a pasa pa e team “ Olympic “ ,team ku mi ta milita asta e dia di awe. Na edat relativamente jong mi a bira entranador i mi a train atleta nan mas grandi ku mi mes. Esun di mas bieuw tabata un señora  jufrouw “ Carla “ (60+).

Experensia komo atleta :                  

100m, 200m, 400m, 4x100m, 4x400m i zweetse  hordeloop, bula lew i haltu, tira bala heru, tira disko i sper i lange afstand gewoon pa partisipa.Diferente baiha subkampionm o kampion 400m, Sper , disko i bala di heru.

Experensia komo entrenador:

Ajudante di Wendell prince na aña 1988 CAC na CaracasVenezuela.

Na dos okashon headcoach di team cross country.

Head coach kampionato di hobennan aki na korsou ku país nan partisipante manera Jamaika,Bahamas, Puert Rico,Venezuela, Aruba,Bonaire i St Maarten.

Na 1996 coach di selekshon di Special Olympics  huntu ku Ivette Rojer na España.

Edukashon deportivo:

Entrenadó nivel 1 di I.A.A.F. (Willemstad, Kòrsou).

Entrenadó nivel 2 di I.A.A.F. (Ponce Puerto Rico).

Sertifikado Hurado di Atletismo (W’stad Kòrsou).

Sertifikado Sportleider rekreativo (Bressna, W’stad Kor.).

Sertifikado Sikologia deportivo (N.A.O.C. W’stad Kor.).

Sertifikado Maneho deportivo (N.A.O.C. W’stad Kor.).

Sertifikado Deporte general  ( sedreko W’ stad Kor.).

Sertifikado Fuerza en deporte ( sedreko W’stad Kor.)

entrenador Cubano a duna kurso.

Sertifikado entrenador Special Olympics ( Jamaica ).

Kredensialnan Sr. Elizabeth:

 

Ami Raymond V. Elizabeth a drenta A.V. OLYMPIC na anja 1990.
Sr. Carlos Petronilia q.e.p. a aserka mi pa bin yuda su team A.V. OLYMPIC.
Sr.Carlos Petronilia tabata presidente di e klup.
Den un reunion general mi a wordo skohe komo miembro di direktiva.
Mi a okupa e puesto di commisario pa 4 anja i despues mi a keda den
direktiva te e dia di awe komo vise presidente di A.V. OLYMPIC.
Na 1992 mi sigi e kurso pa coach di IAAF nivel 1,ya asina mi por a duna mas
aporte na nos klup.
For di 1992 mi forma parti tambe di coaching staff di A.V. OLYMPIC.
Nos tabata train na stadion di suffisant i despues nos a sigi train na S.D.K.
Mi mes no a praktika e deporte atletismo komo atleta.

Aki ta sigui un par di mi logronan den atletismo:

Trabou boluntario:

Trainer di Atletiek Vereniging “OLYMPIC”
Vise Presidente di A.V. OLYMPIC

Edukashon deportivo:

Entrenador nivel 1 di I.A.A.F. (Willemstad,Curacao).

Entrenador niviel 4 di I.A.A.F.(Salinas,Puerto Rico).

Sertifikado I.A.A.F. specialist coaching course (Puerto Rico).

Sertifikado NACACTFCA second work shop(Curacao).

Sertifikado Sports Administrators course (N.A.O.C. Curacao).

Support to Develop coaching strategy (N.A.A.U. Curacao)

Eksperensha komo Coach:

Head Coach C.A.C. game’s Jamaica 1997.

Head Coach weganan di Reino Aruba 2009.

Kredensialnan Sra. Girigoria:

 Mi nomber ta Wigna Girigoria,nase dia 12,sept 1960. Mi a kuminsa hasi Atletiek for di mi 15 anja.Mi a kuminsa kore den e team di Lusando ku ta keda banda di mi kas na montanja.Mi a kuminsaa kompeti den diferente evento manera 100M – 200 M – 400M – 800M i eventonan tekniko ku mi tabata gusta masha tantu mes manera tiramentu sper, kogel i disko.
Despues di ajega asina leu den mi karera mi a wordu puntra ku mi kier bai kore pa e team di Olympic, gustosamente mi a apseta esei.
Koriendo den e team di atletismo A.V. Olympic mi a bai panamerikano na Cuba na anja 1982.
Tambe mi a yega di kore na Jamiaca, Puerto Rico i Aruba. Den e temporada ei mi a gana mas di mi medayanan. Mi a partisipa na hopi workshop ku a keda tene e tempu ei. Pero na anja 1992 mi a optene mi I.A.A.F. level 1.
Aktualmente mi ta kompitiendo ahinda den master riba sierto eventonan. E eventonan ku te ainda mi ta partisipa na dje ta : 100M , kogel ,disko, sper i estafette.

Keda pendiente di e kredensialnan di Sr. Regales.